కృష్ణా జిల్లాలో అతి కొద్దిమందికి మాత్రమే రూపాయికి టిడ్కో ఇల్లు దక్కనుంది. కేవలం 8496 మందికి మాత్రమే ఈ ఇళ్లు కేటాయించేందుకు ఏర్పాట్లు చేస్తున్నారు. జిల్లాలో మొత్తం 27, 872 మందికే టిడ్కో (పట్టణ మౌలిక సదుపాయాల కల్పన అభివృద్ధి సంస్థ) నిర్మించిన ఇళ్లు కేటాయించేందుకు ఏర్పాట్లు చేస్తున్నారు. మిగిలిన వారికి సెంటు స్థలం కేటాయించాలని నిర్ణయించారు. ఇప్పటికే పునాదుల్లో ఉన్న ఇళ్ల నిర్మాణం నిలిపివేయనున్నారు. దాదాపు 74 బ్లాక్‌లు ఈ విధంగా పునాదుల్లోనే ఆగిపోనున్నాయి.
గత ప్రభుత్వంలో కేటాయించిన ఇళ్లను పూర్తిగా రద్దు చేసి వాటి స్థానంలో సెంటు స్థలం కేటాయించి ఇంటిని నిర్మించేందుకు ఏర్పాట్లు చేస్తున్నారు. జిల్లాకు టిడ్కో గృహాలు మొత్తం 91,138 మంజూరు కాగా గత ప్రభుత్వంలో 31,420 నిర్మాణం చేపట్టారు. వీటిలో ప్రస్తుతం 27,872 మాత్రమే పూర్తి చేయనున్నారు. 300 చదరపు అడుగుల విస్తీర్ణంగల ఫ్లాట్లు కేవలం రూపాయికే ఇవ్వాలని ప్రభుత్వం నిర్ణయించింది. జక్కంపూడిలోనూ పునాదుల దశలో ఉన్న బ్లాకులకు మోక్షం లేనట్లే.
ఇదీ చూడండి:
సీఐ, హెడ్ కానిస్టేబుల్కు 14 రోజుల రిమాండ్.. కర్నూలు జైలుకు తరలింపు
