మహిళను రక్షించబోయి.. తానే బలయ్యాడు...!

ఆత్మహత్య చేసుకునేందుకు కాల్వలో దూకిన మహిళను కాపాడేందుకు ముగ్గురు యువకులు కాల్వలోకి దూకారు. మహిళను కాపాడారు. అందులో ఓ యువకుడు ప్రమాదవశాత్తూ నీటి ప్రవాహంలో కొట్టుకుపోయి.. చివరికి శవంగా తేలాడు.

మహిళను రక్షింప బోయి బుడమేరు కాల్వలో గల్లంతైన యువకుడు.. శవమై తేలాడు. సోమవారం రాత్రి విజయవాడ మధురానగర్ బుడమేరు కాలవలో స్థానికంగా నివసించే ఓ మహిళ ఆత్మహత్యయత్నానికి ప్రయత్నించింది. ఇది గమనించిన ముగ్గురు యువకులు కాల్వలో దూకి ఆమెను సురక్షితంగా బయటికి తీసుకువచ్చారు. ‌ ఈ క్రమంలో ముగ్గురు యువకుల్లో ఒకరు బుడమేరులో గల్లంతు అవ్వగా అతని మృతదేహాన్ని విపత్తు నిర్వహక బృందం బయటకు తీసింది. మృతుడిని ఇబ్రహీంపట్నం మండలం ఫెర్రీకి చెందిన శివరామకృష్ణ గా గుర్తించారు. మాచవరం పోలీసులు కేసు దర్యాప్తు చేస్తున్నారు.

ఇది కూడా చదవండి