రైతు కోసం తెలుగుదేశం కార్యక్రమంలో భాగంగా తెదేపా జాతీయ ప్రధాన కార్యదర్శి నారా లోకేశ్ రేపు కృష్ణా జిల్లాలో పర్యటించనున్నారు. కృష్ణా జిల్లా అవనిగడ్డ నియోజకవర్గంలో పంట నష్టంతో ఆత్మహత్య చేసుకున్న రైతు కుటుంబాలను లోకేశ్ పరామర్శించనున్నారు. సోమవారం ఉదయం 11 గంటలకు చింతలమడ గ్రామానికి చేరుకుని ఆత్మహత్య చేసుకున్న రైతు సాంబశివరావు కుటుంబాన్ని కలవనున్నారు. ఆ తరువాత పాగోలు గ్రామంలో బలవన్మరణానికి పాల్పడిన రైతు కృష్ణంరాజు, రామకోపురం గ్రామంలో ఆత్మహత్య చేసుకున్న వెంకట కృష్ణయ్య కుటుంబాలను పరామర్శిస్తారు. మధ్యాహ్నం 2.45 గంటలకు మోదుమూడి గ్రామంలో బలవన్మరణానికి పాల్పడిన రైతు ఓలేటి ఆదిశేషు కుటుంబాన్ని లోకేశ్ పరామర్శించనున్నారు.
ఇదీ చదవండి:
