'చెవిలో పువ్వు' కార్యక్రమం చేపట్టిన నందిగామ మున్సిపల్​ కార్మికులు

సీపీఎం నాయకుల దేశవ్యాప్త నిరసనలో భాగంగా నందిగామ మున్సిపల్​ కార్మికులు చెవిలో పువ్వు కార్యక్రమం చేపట్టారు. తమ డిమాండ్లను గుర్తించి పరిష్కరించాలంటూ కోరారు. కరోనా సమయంలో పనిచేస్తున్న కార్మికులకు పీపీఈ కిట్లు ఇవ్వాలని కోరారు.

దేశవ్యాప్తంగా ప్రజా సమస్యలపై సీపీఎం నాయకులు ఆగస్టు 20 నుంచి 26 వరకు ఆందోళనకు పిలుపునిచ్చారు. ఈ నేపథ్యంలో నందిగామ మున్సిపల్​ కార్మికులు... స్థానిక మున్సిపల్​ కార్యాలయం వద్ద 'చెవిలో పువ్వు' కార్యక్రమం ద్వారా నిరసన తెలిపారు. మున్సిపల్​ కార్మికులను పర్మినెంట్​ చెయ్యాలని, స్పెషల్​ అలవెన్స్​లు రూ. 25 వేలు ఇవ్వాలని, రక్షణ పరికరాలు, ఇంజనీరింగ్​ కార్మికులకు స్కిల్డ్​, సెమి స్కిల్డ్​ ఇవ్వాలని డిమాండ్​ చేశారు. కరోనా సమయంలో కార్మికులకు పీపీఈ కిట్లు ఇవ్వాలని కోరారు. అలాగే అర్హలైన వారికి ఇళ్ల స్థలాలు ఇవ్వాలని, కార్మికులందరికీ సంక్షేమ పథకాలకు అర్హులుగా గుర్తించాలని డిమాండ్​ చేశారు.

ఇదీ చదవండి :