నందిగామలో మంగళవారం నుంచి లాక్​డౌన్​..!

నందిగామలో మంగళవారం నుంచి మధ్యాహ్నం 2 గంటల తరవాత కర్ఫ్యూ విధిస్తున్నట్లు అధికారులు ప్రకటించారు. కరోనా పాజిటివ్​ కేసులు పెరుగుతున్న దృష్ట్యా ఈ నిర్ణయం తీసుకుంటున్నట్లు సబ్​ కలెక్టర్​ ధ్యాన చంద్​ తెలిపారు.

కృష్ణా జిల్లా నందిగామలో మంగళవారం నుంచి కర్ఫ్యూ ప్రారంభం కానున్నట్లు అధికారులు తెలిపారు. ఈ నెల 23 నుంచి... ఉదయం 6 గంటల నుంచి మధ్యాహ్నం 2 గంటల వరకు మాత్రమే వర్తక, వాణిజ్య సంస్థలు తెరిచి ఉండాలని స్పష్టం చేశారు. అత్యవసరమైతే తప్ప ఎవ్వరూ రోడ్లపైకి రాకూడదని కోరారు. ప్రతి ఒక్కరూ మాస్కులు ధరించి భౌతికదూరం పాటించాలని విజ్ఞప్తి చేశారు. స్థానిక తహసీల్దార్​ కార్యాలయంలో సబ్ కలెక్టర్ ధ్యానచంద్, ఎమ్మెల్యే మొండితోక జగన్మోహనరావు ఇతర మండలాల ఎమ్మార్వో​లతో అత్యవసర సమావేశం నిర్వహించారు.

ఇదీ చదవండి :