రైతు బజార్​ను సందర్శించిన మైలవరం ఎమ్మెల్యే

మైలవరం ఎమ్మెల్యే వసంత కృష్ణ ప్రసాద్ స్థానిక ప్రభుత్వ పాఠశాలలో ఏర్పాటు చేసిన రైతు బజార్​ను సందర్శించారు. ప్రజలు ప్రభుత్వ ఆదేశాలు పాటించి సహకరించాలని కోరారు.

కరోనా వైరస్​ను నివారించటానికి ప్రతి ఒక్కరూ సహకరించాలని మైలవరం ఎమ్మెల్యే వసంత కృష్ణ ప్రసాద్ కోరారు. మైలవరం లక్కిరెడ్డి హానిమిరెడ్డి పాఠశాలలో ఏర్పాటు చేసిన రైతు బజార్​ను సందర్శించారు. దుకాణదారులు, వినియోగదారులు సామాజిక దూరాన్ని పాటించాలని సూచించారు. వదంతులు నమ్మకుండా, ప్రభుత్వ ఆదేశాలు పాటించాలని పిలుపునిచ్చారు. మైలవరం, ఇబ్రహీంపట్నం మెుదలైన చోట్ల క్వారంటైన్లు ఏర్పాటు చేసినట్లు తెలిపారు. లాక్​డౌన్ 5 వారాలకు పొడిగించవచ్చని అన్నారు. ప్రపంచానికి అతి పెద్ద ప్రమాదం పొంచి ఉందనీ, ప్రజలు రహదారులపై గుంపులు గుంపులుగా ఉండకుండా, ప్రభుత్వానికి సహకరించాలని అన్నారు.

ఇదీ చదవండి: విజయవాడలో హైపోక్లోరైట్ ద్రావణం పిచికారి