కృష్ణా జిల్లా ఉయ్యూరు ఎస్సైపై వైకాపా ఎమ్మెల్యే పార్థసారధి ఇటీవల చేసిన వ్యాఖ్యలు వైరల్గా మారాయి. అన్యాయంగా మా వాళ్లను కొడతారా.. అంటూ ఎస్సైపై మండిపడ్డారు. ఇటీవల ఉయ్యూరులో జరిగిన తిరునాళ్ల రోజు.. వైకాపా, తెలుగుదేశం వర్గీయుల మధ్య ఘర్షణ జరిగింది. ఈ గొడవలో తెలుగుదేశం కార్యకర్తలకు గాయాలయ్యాయి. ఇరు పార్టీల నాయకులు తమ కార్యకర్తలను పరామర్శించారు. ఈ సందర్భంగా తమను పోలీసులు కొట్టారని.. సెల్ఫోన్లు లాక్కున్నారని వైకాపా కార్యకర్తలు ఎమ్మెల్యేకు వివరించారు.
ఈ క్రమంలో పరామర్శకు వెళ్లిన ఎమ్మెల్యే పార్థసారథి.. రాజకీయ గొడవ జరిగితే పోలీసులు ఏ విధంగా కొడతారని ప్రశ్నించారు. ఎస్సైపై కోర్టులో కేసు వేయండని కార్యకర్తలకు సూచించారు. మరోవైపు.. ఈ ఘటనలో ఇప్పటివరకు ఫిర్యాదు రాకపోవటంతో కేసు నమోదు చేయలేదని పోలీసు వర్గాలు చెబుతున్నాయి.
ఇదీ చదవండి: Ayyanna Case: అయ్యన్నపై తదుపరి చర్యలొద్దు.. హైకోర్టు మధ్యంతర ఉత్తర్వులు
