కృష్ణా జిల్లా జగ్గయ్యపేటలో వలస కూలీల ఆందోళన చేశారు. తమను వెంటనే సొంత రాష్ట్రాలకు పంపాలన్నారు. జగ్గయ్యపేట ఎంసీఎల్‌ పరిశ్రమలో సుమారు 1,460 మంది వలస కూలీలు పనిచేస్తుండగా.. వారిలో చాలా మంది బిహార్, ఝార్ఖండ్, ఒడిశాకు చెందివారు. వీరు చేసిన ఆందోళనకు.. రెవెన్యూ, పోలీసు అధికారులు స్పందించారు.
వలస కూలీలను రైళ్లలో తరలించేందుకు ఏర్పాట్లు చేస్తున్నట్టు చెప్పారు. ఆయా రాష్ట్రాల నుంచి అనుమతి రాగానే పంపించేస్తామని చెప్పారు. మంగళవారంలోగా పంపిస్తామని.. అప్పటివరకు బస, భోజనం కల్పిస్తామని హామీ ఇవ్వగా.. వారంతా ఆందోళన విరమించారు.
