కృష్ణాజిల్లా, అవనిగడ్డ మండలంలోని కొత్తపేటకు చెందిన కోడూరు ఫణి (38) ప్రమాదవశాత్తు కృష్ణానదిలో పడి మృతి చెందాడు. ఇంటి నుంచి బయటకు వెళ్లిన ఫణి ఎంతసేపటికి రాకపోవడంతో బంధువులు అతని కోసం వెతకసాగారు. చివరికి కొత్తపేట పుష్కరఘాట్ వద్ధ ఫణి సైకిల్ కనిపించడంతో నదిలో ఈత కోసం దిగి మునిగిపోయి ఉంటాడని బంధువులు పోలీసులకు సమాచారం ఇచ్చారు. ఐదుగురు గజఈతగాళ్లతో పడవ ద్వారా గాలింపు చేపట్టగా మునిగిన ప్రదేశానికి కొద్ది దూరంలో మృతదేహం నీటిపై తేలింది.
మృతదేహన్ని పోస్ట్మార్టం నిమిత్తం అవనిగడ్డ ప్రభుత్వ ఆస్పత్రికి తరలించారు. కేసు నమోదు చేసుకున్న పోలీసులు దర్యాప్తు చేస్తున్నారు. మృతునికి భార్య, ఇద్దరు పిల్లలున్నారు. సంఘటన స్థలాన్ని అవనిగడ్డ ఎమ్మెల్యే సింహాద్రి రమేశ్బాబు, దివి మార్కెట్ యార్డ్ ఛైర్మన్ కడవకొల్లు నరసింహారావు పరిశీలించి మృతుని కుటుంబ సభ్యులను ఓదార్చారు.
