శ్రీలంక పేలుళ్ల నుంచి బయటపడ్డ విజయవాడ వాసులు

శ్రీలంకలో బాంబు పేలుళ్ల నుంచి కృష్ణా జిల్లా విజయవాడ వాసులు తృటిలో తప్పించుకున్నారు. కొలంబోలోని హోటల్ నుంచి వారు బయటకు వచ్చిన వెంటనే పేలుడు సంభవించింది.

శ్రీలంకలోని కొలంబోలో జరిగిన బాంబు దాడి బీభత్సం ఆ దేశాన్నే కాదు.. పక్క దేశాలనూ వణికిస్తోంది. పేలుళ్లలో 200కు పైగా మృతి చెందారు. వీరిలో ఆ దేశస్థులే కాక విదేశీయులూ ఉన్నారు. మరెంతమందో క్షతగాత్రులయ్యారు. వీరిలో మన దేశం వారూ ఉన్నారు. ఆ పేలుళ్ల నుంచి రాష్ట్రానికి చెందిన అనంతపురం వాసులు బయటపడగా.. తాజాగా కృష్ణా జిల్లా విజయవాడ వాసులు తృటిలో తప్పించుకున్నారని సమాచారం అందింది. కొలంబోలోని హోటల్ నుంచి వారు బయటకు వచ్చిన వెంటనే ఈ పేలుడు సంభవించింది. వారు చిన్న చిన్న గాయాలతో బయటపడ్డారు. వారి క్షేమ సమాచారం కుటుంబ సభ్యులకు అందించారు.

ఇవీ చదవండి..

శ్రీలంక పేలుళ్ల బారి నుంచి తప్పించుకున్న తెలుగువాళ్లు