కేంద్ర హోంశాఖ కార్యదర్శికి కళా వెంకట్రావు లేఖ

చంద్రబాబు అమరావతి పర్యటనలో జరిగిన ఘటనలపై విచారణ జరిపించాలని కేంద్ర హోంశాఖ కార్యదర్శిని కళా వెంకట్రావు కోరారు. ఈ మేరకు లేఖ రాశారు.

చంద్రబాబు అమరావతి పర్యటనలో దాడిపై కేంద్ర హోంశాఖ కార్యదర్శికి తెదేపా రాష్ట్ర అధ్యక్షుడు కళా వెంకట్రావు లేఖ రాశారు. జెడ్ ప్లస్ భద్రతలో ఉన్న మాజీ ముఖ్యమంత్రిపై జరిగిన దాడిపై విచారణ జరపాలని ఆయన లేఖలో కోరారు. గతంలో చలో ఆత్మకూరు విషయంలోనూ చంద్రబాబును గృహ నిర్బంధం చేసి, గేట్లను తాళ్లతో కట్టారని వివరించారు. పోలీసులే అనుమతివ్వకపోవడాన్ని కళా తప్పుబట్టారు. జిల్లాల పర్యటనల్లోనూ పోలీసులు నిర్లక్ష్యంగా వ్యవహరిస్తున్నారని పేర్కొన్నారు. సమగ్ర విచారణ జరిపి బాధ్యులపై చర్యలు తీసుకోవాలని కళా వెంకట్రావు లేఖలో వివరించారు.

కేంద్ర హోంశాఖ కార్యదర్శికి కళా వెంకట్రావు లేఖ

ఒక్క సామాజికవర్గానికే సింహభాగం