విజయవాడ నగరంలో కుండపోత వర్షం కురిసింది. ఉరుములు, మెరుపులతో సాయంత్రం ఐదున్నర గంటల నుంచి గంటకుపైగా ఎడతెరిపి లేని వాన పడింది. దట్టమైన కారుమబ్బులతో వెలుతురు పూర్తిగా తగ్గిపోయి చిమ్మచీకట్లు అలముకున్నాయి.
జనజీవనంపై తీవ్ర ప్రభావం..
సాయంత్రం ఒక్కసారిగా కురిసిన వర్షం కారణంగా రహదారులన్నీ జలమయమయ్యాయి. ఫలితంగా జనజీవనంపై తీవ్ర ప్రభావం చూపింది. లోతట్టు ప్రాంతాల్లో వర్షం నీరు భారీగా కురిసింది. బెంజ్ సర్కిల్‌ వద్ద వాహనాల రాకపోకలకు వాన తీవ్ర అంతరాయం కలిగించింది. వాహనాల రాకపోకలకు ఇబ్బందులు తలెత్తకుండా ఉండేందుకు పోలీసులు వర్షంలో తడుస్తూనే తీవ్రంగా శ్రమించారు.
రాకపోకలకు అంతరాయం..
నిర్మల కాన్మెంట్‌ రోడ్డు, మొగల్‌ రాజ్‌పురం తదితర ప్రాంతాల్లో రహదారులపై భారీగా నీరు నిలిచిపోవడంతో రాకపోకలకు అంతరాయం ఏర్పడింది. రోడ్డుపై గుంతలు ఎక్కువగా ఉండటం వల్ల వాహనదారులు తీవ్ర ఇబ్బందులు పడ్డారు. చాలా చోట్ల విద్యుత్ సరఫరాకు అంతరాయం కలిగింది.
ఇవీ చూడండి : 'ఆ రోజున అమరావతి కోసం రాష్ట్ర ప్రజలందరూ ఒక్కటి కావాలి'
