నూజివీడు బ్రాంచ్ కెనాల్​లో నలుగురు గల్లంతు..ఇద్దరిని రక్షించిన స్థానికులు

కూలికి వెళ్లిన నలుగురు కూలీలు నూజివీడు బ్రాంచ్ కెనాల్​లో గల్లంతయ్యారు. వీరిలో ఇద్దరిని స్థానికులు సురక్షితంగా బయటికి తీసుకొచ్చారు. మరో ఇద్దరి ఆచూకీ కోసం గాలింపు చర్యలు చేపట్టారు. ఈ ఘటన కృష్ణా జిల్లా రెడ్డిగూడెం మండలం మద్దులపర్వ వద్ద జరిగింది.

కృష్ణాజిల్లా నూజివీడు మండలం మిట్టగూడెం గ్రామానికి చెందిన నలుగురు కూలి కోసం రెడ్డిగూడెం మండలం మద్దులపర్వలో మామిడి కోతకు వెళ్లారు. తోట సమీపంలోని నూజివీడు బ్రాంచ్ కెనాల్​లో సరదాగా ఈత కొడుతుండగా గల్లంతయ్యారు. వీరిలో ఇద్దరిని స్థానికులు కాపాడి.. బయటికి తీసుకొచ్చారు. మరో ఇద్దరి కోసం స్థానికులు, తోటి కూలీలు గాలింపు చర్యలు చేపట్టారు. తోట యజమాని అధికారులకు సమాచారం ఇచ్చారు.

ఇవీ చదవండి