అభ్యర్థి నామినేషన్ వేయకుండా అడ్డుకున్న తెదేపా, వైకాపా నేతలు

తెదేపాలో సీట్​ ఇవ్వలేదని వైకాపాలో చేరాడు.. ప్రతిపక్షం నుంచి వచ్చాడని వైకాపా వెంటనే సీట్​ ఇచ్చింది. మొదటి నుంచి పార్టీలో ఉంటూ...ఉత్సాహంగా పనిచేశాడనే కృతజ్ఞతతో తెదేపా పిలిచి సీట్​ ఇచ్చింది.అంతే వైకాపాను వదిలేసి తిరిగి తెదేపాలో చేరాడు... నామినేషన్​ వేసేందుకు కేంద్రానికి చేరుకున్నాడు... మోసం చేశాడంతూ వైకాపా... పార్టీలోంచి వెళ్లిపోయాడని తెదేపా నాయకులు నామినేషన్​ వేయకుండా అడ్డుకున్నారు.విజయవాడ విద్యాధరపురంలో జరిగిన ఘటన పూర్తివివరాలవి..

కృష్ణాజిల్లా విజయవాడ విద్యాధరపురంలో 39వ డివిజన్ తెదేపా అధ్యక్షుడు కప్పగంతు శివ తెదేపా తరపున సీట్ ఆశించాడు. తెదేపా ఆ సీట్​ను వేరే వ్యక్తికి కేటాయించడంతో శివ మంత్రి వెల్లంపల్లి సమక్షంలో వైకాపాలో చేరాడు. కానీ మళ్లి తెదేపా సీట్ కేటాయించడంతో తెదేపా తరపున నామినేషన్ వేయడానికి కేంద్రానికి చేరుకోగా వేయకుండా ఇరు పార్టీ కార్యకర్తలు అడ్డుకున్నారు. ఈ ఘర్షణలో కరిమూల్లా అనే వ్యక్తికి గాయలు అయ్యాయి. ఘటనస్థలానికి చేరుకున్న పోలిసులు ఇరు పార్టీ నేతలను సముదాయించారు.

ఇదీ చూడండి వైకాపాలో చేరేందుకు మరో పదిమంది ఎమ్మెల్యేలు సిద్ధం'