పనిచేయని ఫాస్టాగ్​ ట్రాక్​... వాహనదారుల ఇబ్బందులు

కృష్ణా జిల్లా కీసర ,చిల్లకల్లు టోల్ ప్లాజాల వద్ద ఫాస్టాగ్ ట్రాక్ విధానం పనిచేయలేదు. దీని వల్ల ట్రాఫిక్​కు అంతరాయం ఏర్పడి ప్రయాణికులు తీవ్ర ఇబ్బందులు పడ్డారు. అనంతరం టోల్​ ప్లాజా నిర్వాహకులు క్యాష్​ కౌంటర్ల ద్వారా టోల్​ వసూలు చేశారు.

కృష్ణా జిల్లా కీసర టోల్ ప్లాజా వద్ద రెండు ఫాస్టాగ్ ట్రాక్ లైన్లు, రెండు క్యాష్ కౌంటర్లను ఏర్పాటు చేశారు. ఫాస్టాగ్ ట్రాక్ సరిగా పనిచేయక పోవడం వల్ల ప్రయాణికులు తీవ్ర ఇబ్బందులు పడ్డారు. వాహనదారులు ఒక్కసారిగా క్యాష్​ కౌంటర్ల వైపు మొగ్గు చూపడం వల్ల ట్రాఫిక్​కు తీవ్ర అంతరాయం ఏర్పడింది. ఇప్పటికే ఫాస్టాగ్ స్టిక్కర్ వేయించుకున్న వాహనాలను టోల్ గేట్​లో సరిగా గుర్తించటం లేదు. అలాగే చిల్లకల్లు టోల్​ ప్లాజా వద్ద సైతం పాస్ట్​ టాగ్​లో సాంకేతిక సమస్యలు తలెత్తాయి. తమ వాహనాలకు కొత్తగా ఫాస్టాగ్ స్టిక్కర్ వేయించుకునే వారికి చిల్లకల్లు టోల్ ప్లాజా వద్ద రెండు ప్రత్యేక కౌంటర్లు ఏర్పాటు చేశారు. అనంతరం క్యాష్​ కౌంటర్ల ద్వారా నిర్వాహకులు టోల్​ వసూలు చేశారు.

ఇదీ చూడండి: