తెలుగువారికి ఏ ఆపద వచ్చినా ఆదుకునేందుకు తెదేపా అధినేత చంద్రబాబు ముందుంటారని... మాజీమంత్రి కొల్లు రవీంద్ర అన్నారు. లాక్ డౌన్ కారణంగా పలు రాష్ట్రాల్లో ఏపీ కార్మికులు చిక్కుకుపోయారని.. వారిని స్వస్థలాలకు రప్పించేందుకు తెలుగుదేశం కృషి చేస్తోందని వివరించారు. గుజరాత్లో చిక్కుకుపోయిన శ్రీకాకుళం జిల్లాకు చెందిన కార్మికులను తీసుకొచ్చేందుకు ఆ రాష్ట్ర ముఖ్యమంత్రికి చంద్రబాబు లేఖ రాశారని గుర్తుచేశారు. త్వరలోనే వారు స్వస్థలాలకు రానున్నారని చెప్పారు. కర్ణాటకలో చిక్కుకున్న 300 మంది మత్స్యకారులు... చంద్రబాబు, ఎంపీ రామ్మోహన్ నాయుడు చొరవతో రాష్ట్రానికి బయలుదేరారని తెలిపారు.
ఇవీ చదవండి: దేశంలో కరోనా సామాజిక వ్యాప్తిపై ఐసీఎంఆర్ పరిశోధన!
