మైలవరంలో మొక్కజొన్న కొనుగోలు కేంద్రం ఏర్పాటు

కృష్ణా జిల్లా మైలవరంలో మొక్కజొన్న కొనుగోలు కేంద్రాన్ని స్థానిక ఎమ్మెల్యే ప్రారంభించారు. రైతులందరూ ఈ సౌకర్యాన్ని సద్వినియోగం చేసుకోవాలని ఆయన కోరారు.

కృష్ణా జిల్లా మైలవరం మార్కెట్​లో మొక్కజొన్న కొనుగోలు కేంద్రాన్ని స్థానిక ఎమ్మెల్యే వసంత కృష్ణప్రసాద్ ప్రారంభించారు. క్వింటా మొక్కజొన్నకు కనీస మద్దతు ధర 1750, గ్రేడ్​ 1కు రూ.1837, కామన్ రకానికి రూ.1815 గా ప్రభుత్వం ధర నిర్ణయించిందని ఆయన వివరించారు. లాక్​డౌన్ నేపథ్యంలో రైతులు అధైర్యపడాల్సిన అవసరం లేదని... ప్రభుత్వమే ధాన్యాన్ని కొనుగోలు చేస్తుందని భరోసా ఇచ్చారు. రైతులు ఈ అవకాశాన్ని సద్వినియోగం చేసుకోవాలని సూచించారు. ప్రజలంతా భౌతికదూరాన్ని పాటిస్తూ.. స్వీయ నిర్బంధం కొనసాగించి కరోనా మహమ్మారి వ్యాప్తిచెందకుండా చూడాలని పిలుపునిచ్చారు.

ఇదీ చదవండి.