సంక్షేమ ఫలాలే విజయతీరాలకు చేరుస్తాయి: దేవినేని

"తాగునీరు, సాగునీరు, రోడ్లు, నివాసం... అన్ని రంగాల్లో అన్నివర్గాల వారికీ న్యాయం చేశాం. ముఖ్యమంత్రి సహకారంతో ప్రతి సమస్యను పరిష్కరించగలిగాం. సంక్షేమ ఫలాలు ప్రతి ఒక్కరికీ చేరేలా కృషి చేశాం" దేవినేని ఉమామహేశ్వరరావు, తెదేపా మైలవరం అభ్యర్థి

కృష్ణా జిల్లా మైలవరం నియోజకవర్గంలో 2014 ఎన్నికల్లో ఇచ్చిన హామీలన్నీ నెరవేర్చామని మంత్రి దేవినేని ఉమామహేశ్వరరావు చెప్పారు. చింతలపూడి ఎత్తిపోతలతో మైలవరం ప్రజల దాహార్తి తీరుస్తున్నామన్నారు. పేద ప్రజలకు ఇళ్లపట్టాలు, మహిళలకు పసుపు-కుంకుమ, వృద్ధులకు పింఛన్లు... ఇలా అన్ని వర్గాల వారికి సంక్షేమ ఫలాలు అందించామని గుర్తు చేశారు. మైలవరం ప్రగతి నివేదిక విడుదల చేసిన దేవినేని.. మౌలిక సదుపాయాల కల్పనలో సఫలీకృతమయ్యామని తెలిపారు.

అభివృద్ధి పనులు:

• అయ్యప్పనగర్ వద్ద 374 మందికి ఇళ్ల స్థలాల పట్టాలు

• యాదవ సామాజిక వర్గానికి కమ్యూనిటీ భవనం స్థలం కేటాయింపు

• రూ.10 లక్షలతో ముస్లిం మైనారిటీలకు కుట్టు మిషన్ శిక్షణా కేంద్రం

• నియోజకవర్గంలో 22 ఎత్తిపోతల పథకాలు

• రూ.6.3 కోట్ల వ్యయంతో పురగుట్టకు రహదారి సౌకర్యం

• సాగర్ ఆయకట్టు రైతులకు నూతన రైతు శిక్షణ భవన నిర్మాణం

• రూ.8.8 కోట్లతో 152 కి.మీ. సిమెంట్‌ రహదారుల నిర్మాణం

• రూ.186 కోట్ల నిధులతో ఇంటింటికీ కుళాయి పథకం

• పురగుట్టలో 1150 మందికి ఇళ్ల స్థలాల హామీ పత్రాలు

• రూ.5 వేల కోట్లతో చింతలపూడి ఎత్తిపోతల పథకం

• ఐదు మండలాల్లో అన్న క్యాంటీన్ల నిర్మాణం

• ఇబ్రహీంపట్నం నుంచి అమరావతికి కృష్ణా నదిపై ఐకానిక్‌ వంతెనకు శంకుస్థాపన

• 132 కేవీ విద్యుత్‌ ఉప కేంద్రం నిర్మాణం

ఇదీ చదవండి...'తెదేపా చేసిన అభివృద్ధే తిరిగి అధికారాన్ని ఇస్తుంది'