రాజ్​భవన్ పనులను పరిశీలించిన సీఎస్, డీజీపీ

విజయవాడలో చురుగ్గా సాగుతున్న రాజ్​భవన్ పనులను సీఎస్ ఎల్వీ సుబ్రహ్మణ్యం, డీజీపీ గౌతమ్ సవాంగ్ పరిశీలించారు. ఈనెల 24న గవర్నర్ ప్రమాణస్వీకారం ఉన్నందున... 22 కల్లా పనులు పూర్తవ్వాలని అధికారులను ఆదేశించారు.

విజయవాడలో నూతన గవర్నర్ కోసం సిద్ధమవుతున్న రాజ్​భవన్​ను సీఎస్ ఎల్వీ సుబ్రహ్మణ్యం, డీజీపీ గౌతమ్ సవాంగ్ సందర్శించారు. జరుగుతున్న పనులను పర్యవేక్షించారు. ఈనెల 22వ తేదీ కల్లా పనులు పూర్తి చేయాలని అధికారులకు సూచించారు. గవర్నర్ కార్యాలయంలోని ప్రతి గదిని క్షుణ్నంగా పరిశీలించారు. సదుపాయాల గురించి పలు సూచనలు చేశారు. సౌకర్యాల కల్పనలో ఎటువంటి లోటు ఉండకుండా చూడాలని చెప్పారు. ఈనెల 24న గవర్నర్ ప్రమాణ స్వీకారానికి హాజరయ్యే అతిథుల కోసం సరైన ఏర్పాట్లు చేయాలని ఆదేశించారు.

ఇవీ చదవండి.. ముఖ్యమంత్రి జగన్​కు డిప్లమాటిక్ పాస్​పోర్ట్