కృష్ణా జిల్లాలో భారీ వర్షాలు... రహదారులు, పంటలు ధ్వంసం

కృష్ణా జిల్లాలో కురుస్తున్న వర్షాలతో లోతట్టు ప్రాంతాలు నీటమునిగాయి. ఇళ్లలోకి నీరు చేరి ప్రజలు తీవ్ర ఇబ్బందులు పడుతున్నారు. పలు చోట్ల రహదారులు దెబ్బతిని రాకపోకలు నిలిచిపోయాయి.

కృష్ణా జిల్లాలో కురుస్తున్న వర్షాలతో నాగాయలంక మండలం పడవల రేవు వద్ద నివాసగృహాల్లోకి వరద నీరు చేరింది. అప్రమత్తమైన అధికారులు.. బాధితులను సురక్షిత ప్రాంతాలకు తరలించారు. లింగగూడెం వాగు ఉద్ధృతితో పెనుగంచిప్రోలు నుంచి నందిగామకు రాకపోకలు నిలిచిపోయాయి. గన్నవరం మండలం సావరగూడెం రోడ్డుపై వరదలో వాహనం చిక్కుకుంది. హనుమాన్ జంక్షన్ గుడివాడ ప్రధాన రహదారి వరద ముంపుతో పూర్తిగా దెబ్బతింది.

ప్రకాశం బ్యారేజీకి జలకళ...

ఎగువ ప్రాంతాల నుంచి వస్తున్న వరదతో ప్రకాశం బ్యారేజీ వద్ద కృష్ణమ్మ పరవళ్లు తొక్కుతోంది. బ్యారేజీ నుంచి సుమారు 5 లక్షల క్యూసెక్కుల నీటిని దిగువకు విడుదల చేస్తున్నారు. వరద ప్రవాహంతో... లంక గ్రామాలు నీటమునిగాయి. పంట పొలాలకు తీవ్ర నష్టం వాటిల్లింది.

ఇదీచదవండి.