ఎంపీటీసీ, జడ్పీటీసీ ఎన్నికల కోసం గతేడాది ఇచ్చిన నోటిఫికేషన్ను రద్దు చేసి తిరిగి నోటిఫికేషన్ను విడుదల చేయాలని రాష్ట్ర ఎన్నికల సంఘాన్ని సీపీఐ కోరింది. విజయవాడలోని ఎస్ఈసీ కార్యాలయంలో ఎన్నికల కమిషనర్ నీలం సాహ్నిని ఆ పార్టీ రాష్ట్ర కార్యదర్శి రామకృష్ణ కలిసి వినతిపత్రం అందజేశారు.
గతంలో 126 జడ్పీటీసీ, 2300 ఎంపీటీసీలను వైకాపా నేతలు దౌర్జన్యాలతో ఏకగ్రీవాలు చేయించుకున్నారని ఫిర్యాదులో పేర్కొన్నారు. ఎన్నికలు ప్రశాంతంగా పారదర్శకంగా ప్రజాస్వామ్య యుతంగా జరపాలంటే రీ-నోటిఫికేషన్ ఇవ్వాలని కోరినట్లు తెలిపారు. ఏడాది క్రితం నామినేషన్లు వేసిన వారిలో కొందరు చనిపోయారని.. తాజాగా నోటిఫికేషన్ వేసి నామినేషన్లు స్వీకరించాలని ఆయన కోరారు.
ఇదీ చదవండి:
ఆ అబ్బాయి అంధుడు.. అయితేనేం.. ప్రేమించింది పెళ్లి చేసుకుంది!
