కృష్ణాజిల్లా గన్నవరం శివారులోని చెంచుల కాలనీలో కార్డెన్ సెర్చ్ నిర్వహించినట్లు పోలీసులు తెలిపారు. తూర్పు ఏసీపీ విజయపాల్, సీఐ శివాజీ ఆధ్వర్యంలో తనిఖీలు జరిగినట్లు చెప్పారు. ఈ తనిఖీల్లో ధ్రువపత్రాలు లేని 40 ద్విచక్ర వాహనాలను స్వాధీనం చేసుకున్నామని పేర్కొన్నారు. సంబంధిత వ్యక్తులు సరైన ఆధారాలు చూపిస్తే వారికి వాహనాన్ని తిరిగి ఇస్తామని... లేకపోతే చట్టపరమైన చర్యలు తీసుకుంటామని చెప్పారు.
గ్రామంలోని ఓ వ్యక్తి వద్ద తొమ్మిది మద్యం సీసాలు దొరికినట్లు చెప్పారు. ఆ వ్యక్తిని అదుపులోకి తీసుకున్నామన్నారు. సుమారు మూడు గంటలపాటు తనిఖీలు కొనసాగించినట్లు చెప్పారు. ప్రజలకు భద్రతాభావం, పోలీసులపై నమ్మకం, భరోసా కల్పించేందుకు కార్డెన్ సెర్చ్ నిర్వహించినట్లు తెలిపారు.
ఇదీ చదవండి: Tadepalli Incident : 'త్వరలోనే నిందితులను మీడియా ముందు ప్రవేశపెడతాం'
