అక్రమ మైనింగ్పై పోరాడుతున్న అనపర్తి మాజీ ఎమ్మెల్యే నల్లమిల్లి రామకృష్ణారెడ్డికి, ఆయన కుటుంబ సభ్యులకు ప్రాణహానీ ఉందని డీజీపీ గౌతమ్ సవాంగ్కు తెలుగుదేశం అధినేత చంద్రబాబు లేఖ ద్వారా ఫిర్యాదు చేశారు. ప్రజా జీవితంలో క్రియాశీలకంగా ఉన్న రామకృష్ణారెడ్డి అక్రమ మైనింగ్ను అడ్డుకుంటూ అవినీతికి వ్యతిరేకంగా పోరాటం చేస్తున్నారని లేఖలో పేర్కొన్నారు.
రామకృష్ణారెడ్డి, అతని కుటుంబ సభ్యుల్నీ చంపేసి ఆస్తులు ధ్వంసం చేస్తామంటూ మైనింగ్ మాఫియా బెదిరిస్తోందని ఆరోపించారు. ఈ విషయంపై అనేకమార్లు ఫిర్యాదు చేసి తనకు రక్షణ కల్పించాలని రామకృష్ణారెడ్డి.. తూర్పు గోదావరి జిల్లా ఎస్పీని కోరినా ఇంతవరకూ ఎలాంటి చర్యలూ లేవని లేఖలో తెలిపారు. వెంటనే రామకృష్ణారెడ్డి, అతని కుటుంబసభ్యులకు తగిన రక్షణ కల్పించాలని చంద్రబాబు కోరారు.
ఇదీ చదవండి: Govt Employees: 'ఏపీ రాష్ట్ర పరిపాలన సర్వీసును అమల్లోకి తీసుకురావాలి'
