మోటారు సైకిల్పై వచ్చాడు..మెడలో గొలుసు కొట్టేశాడు..
కృష్ణాజిల్లా పెనమలూరు నియోజకవర్గం పునాదిపాడు కొత్త బైపాస్‌ వద్ద ఓ మహిళ మెడలో గొలుసు తెంపుకుని పరారైన ఘటన చోటుచేసుకుంది. పోలీసులు తెలిపిన వివరాల ప్రకారం ఉప్పలూరు గ్రామానికి చెందిన జి.కుమారి అనే మహిళ స్థానికంగా ఉన్న భారత్‌ గ్యాస్‌ గోడంలో పనిచేస్తుంది. ఎప్పటిలాగానే 8గంటల సమయంలో పునాదిపాడు బైపాస్‌ వద్ద ఆటో దిగి నడుచుకుంటూ కార్యాలయానికి వెళ్తుండగా.. వెనక నుంచి మోటారు సైకిల్పై వచ్చిన దుండగుడు ఆమె మెడలో ఉన్న రెండు కాసుల గొలుసును తెంచి పరారయ్యాడు. బాధితురాలి ఫిర్యాదుమేరకు పోలీసులు కేసు నమోదుచేసి దర్యాప్తుచేస్తున్నారు.
ఇదీ చూడండి:దొంగల ముఠా అరెస్టు.. నగలు, బైకులు స్వాధీనం
