న్యాయమూర్తి రామకృష్ణ గొంతు నొక్కేందుకు ఆయన సోదరుడు రామచంద్రపై దాడి చేశారని ఏపీసీపీ అధ్యక్షుడు శైలజనాథ్ అన్నారు. న్యాయమూర్తి రామకృష్ణ విజయవాడలో జరిగిన రౌండ్ టేబుల్ సమావేశంలో ప్రభుత్వ దుశ్చర్యలను ఖండించినందుకే ఈ దాడి జరిగిందని చెప్పారు. మంత్రి వర్గీయులకు, తన కుటుంబానికి ఉన్న భూ వివాదమే తన సోదరుడిపై దాడికి కారణమని న్యాయమూర్తి రామకృష్ణ చెప్పడం అధికార పార్టీ కుట్ర అని ఆరోపించారు.
రామచంద్రపై దాడి చేసిన నిందితులను అరెస్టు చేయాలని శైలజానాథ్ డిమాండ్ చేశారు. దాడి కేసుల్లో నిందితులను రక్షించేందుకు అధికార, పోలీసు వర్గాలు కూడా యత్నిస్తున్నాయని ఆరోపించారు. రామచంద్రపై దాడికి ప్రభుత్వమే బాధ్యత వహించాలని ఓ ప్రకటనలో పేర్కొన్నారు.
ఇదీ చదవండి:
