TOP NEWS: ఏపీ ప్రధాన వార్తలు @ 9 PM

ఏపీ ప్రధాన వార్తలు

• జగన్మోహన్‌రెడ్డిది జేసీబీ ప్రభుత్వం: నారా లోకేశ్​
  Nara Lokesh: ఇప్పటంలో రోడ్డు విస్తరణలో ఇళ్లు కోల్పోయిన బాధితులను తెదేపా జాతీయ ప్రధాన కార్యదర్శి నారా లోకేశ్​ పరామర్శించారు. బాధితులకు అండగా ఉంటామని హామి ఇచ్చారు. ఇళ్ల కూల్చివేతను పరిశీలించిన లోకేశ్​.. ముఖ్యమంత్రి జగన్​ది జేసీబీ ప్రభుత్వమని విమర్శించారు. పూర్తి వివరాల కోసం క్లిక్​ చేయండి.
  
• రాష్ట్రంలో 3.98 కోట్ల మంది ఓటర్లు.. 10 లక్షలకు పైగా ఓటర్లు తొలగింపు
  AP draft voters list: రాష్ట్ర ముసాయిదా ఓటర్ల జాబితాను ఎన్నికల ప్రధానాధికారి ప్రకటించారు. ఈనెల 9 నాటికి రాష్ట్రంలో 3.98 కోట్ల మంది ఓటర్లు ఉన్నట్లు తెలిపారు. రాష్ట్రంలో 18-19 ఏళ్ల వయసున్న ఓటర్లు 78,438 మంది అని స్పష్టం చేశారు. ఓటర్ల జాబితా నుంచి వివిధ కారణాలతో 10.52 లక్షల మంది తొలగించినట్లు పేర్కొన్నారు. ఓటర్‌ కార్డు కోసం ఆధార్‌ను తప్పనిసరి చేయడం లేదన్నారు. పూర్తి వివరాల కోసం క్లిక్​ చేయండి.
  
• "విశాఖ స్టీల్‌ప్లాంట్‌ ప్రైవేటీకరణ నిర్ణయాన్ని వెనక్కి తీసుకోవాల్సిందే"
  Visakha Steel Plant Issue: విశాఖ స్టీల్‌ప్లాంట్‌ ప్రైవేటీకరణను వెనక్కి తీసుకోవాల్సిందేనని కార్మికులు, నిర్వాసితులు తేల్చిచెప్పారు. ఈనెల 11, 12 తేదీల్లో నగరానికి వస్తున్న ప్రధాని మోదీ... ఈ మేరకు ప్రకటన చేయాలని వారు డిమాండ్‌ చేశారు. సీఎం జగన్‌ కూడా ప్రత్యేక చొరవ తీసుకుని ఈ విషయంలో ప్రధానితో స్పష్టత ఇప్పించాలన్నారు. లేకపోతే పోరాటాన్ని మరింత ఉద్ధృతం చేస్తామని హెచ్చరించారు. పూర్తి వివరాల కోసం క్లిక్​ చేయండి.
  
• నా ఫోన్ ట్యాప్‌ అవుతుందనే అనుమానం ఉంది.. వ్యక్తిగత స్వేచ్ఛకు భంగం కలుగుతోంది: గవర్నర్‌
  TS Governor Tamilisai Comments: తన ఫోన్ ట్యాప్ అవుతుందనే అనుమానం ఉందని తెలంగాణ గవర్నర్ తమిళిసై ఆరోపించారు. తెలంగాణ రాష్ట్రంలో అప్రజాస్వామిక విధానం అమలవుతోందనే అనుమానం ఉందని చెప్పారు. ప్రజా సమస్యల విషయంలో తాను సానుకూలంగా స్పందిస్తానని తమిళిసై పేర్కొన్నారు. పూర్తి వివరాల కోసం క్లిక్​ చేయండి.
  
• 'ఎమ్మెల్యేల కోసం బేరాలాడుతున్న వీడియోలు చూశాం.. వాటి గురించి మాట్లాడరేం?'
  అవినీతిపరులే దేశాన్ని నాశనం చేస్తున్నారని.. సుప్రీంకోర్టు ఆందోళన వ్యక్తం చేసింది. అవినీతి ద్వారా సంపాదించిన డబ్బుతోనే ఆ కేసుల నుంచి బయటపడుతున్నారని వ్యాఖ్యానించింది. సామాజిక కార్యకర్త గౌతమ్ నావలఖ దాఖలు చేసిన పిటిషన్‌పై విచారణ సందర్భంగా అత్యున్నత న్యాయస్థానం ఈ వ్యాఖ్యలు చేసింది. పూర్తి వివరాల కోసం క్లిక్​ చేయండి.
  
• నీరవ్ మోదీకి బ్రిటన్ హైకోర్టు షాక్.. భారత్​కు అప్పగించాలని ఆదేశం
  వజ్రాల వ్యాపారి నీరవ్ మోదీని భారత్​కు అప్పగించాలని బ్రిటన్ హైకోర్టు ఆదేశాలు జారీ చేసింది. భారత ప్రభుత్వ అభ్యర్థనను సవాల్ చేస్తూ నీరవ్ దాఖలు చేసిన అప్పీలును కొట్టివేసింది. పూర్తి వివరాల కోసం క్లిక్​ చేయండి.
  
• అమెరికాలో లెఫ్టినెంట్‌ గవర్నర్‌గా హైదరాబాదీ 'అరుణ'
  అమెరికా మధ్యంతర ఎన్నికల్లో భారత సంతతికి చెందిన ఓ మహిళ చరిత్ర సృష్టించారు. మేరీలాండ్‌ లెఫ్టినెంట్‌ గవర్నర్‌గా తెలుగు నేపథ్యం ఉన్న అరుణా మిల్లర్‌ ఎన్నికయ్యారు. భారత సంతతి వ్యక్తి అమెరికాలో లెఫ్టినెంట్ గవర్నర్‌ కావడం చరిత్రలో ఇదే తొలిసారి కావడం విశేషం. పూర్తి వివరాల కోసం క్లిక్​ చేయండి.
  
• ఫేస్​బుక్ ఉద్యోగులకు షాక్.. 11వేల మందికి ఉద్వాసన.. నియామకాలు బంద్
  ఫేస్​బుక్ ఉద్యోగులకు షాక్ తగిలింది. 11 వేల మంది సిబ్బందిని తొలగిస్తున్నట్లు ఫేస్​బుక్ మాతృసంస్థ మెటా ప్రకటించింది. మెటా చరిత్రలో అత్యంత కఠినమైన మార్పు ఇదేనని సంస్థ సీఈఓ మార్క్ జుకర్​బర్గ్ పేర్కొన్నారు. పూర్తి వివరాల కోసం క్లిక్​ చేయండి.
  
• T20 World Cup: భారత్​ X ఇంగ్లాండ్​.. ఫైనల్​ చేరెదెవరో? పాక్​తో ఆడేదెవరో?
  T20 World Cup Ind Vs Eng : టీ20 ప్రపంచకప్‌లో రెండో సెమీఫైనల్ గురువారం జరగనుంది. భారత్‌ జట్టు ఇంగ్లాండ్‌తో అమీతుమీ తేల్చుకోనుంది. సూపర్‌-12లో..అద్భుత ప్రతిభ కనబర్చిన భారత్‌ జట్టు.. ఫైనల్‌ బెర్తు కోసం బ్రిటీష్‌ జట్టుతో తలపడనుంది. నాకౌట్‌ మ్యాచ్‌ను దృష్టిలో పెట్టుకొని భారత బ్యాటింగ్‌ విభాగంలో కొన్ని మార్పులు చోటుచేసుకునే అవకాశాలు కనిపిస్తున్నాయి. పూర్తి వివరాల కోసం క్లిక్​ చేయండి.
  
• మైఖెల్‌ జాక్సన్​లా ప్రభాస్ శ్రీను స్టెప్పులు.. డ్యాన్స్​ సూపర్​
  కమెడియన్ ప్రభాస్​ శ్రీను, సీనియర్ నటి తులసి కలిసి ఈ వారం ఆలీతో సరదాగా కార్యక్రమానికి అతిథులుగా విచ్చేసి ఆసక్తికర విషయాలను తెలిపారు. అయితే ప్రభాస్​ శ్రీను.. తనలోని డ్యాన్సర్‌ని పరిచయం చేశారు. మైఖెల్‌ జాక్సన్‌ స్టెప్పులేసి అలరించారు. ఆ వీడియో సోషల్​మీడియాలో వైరల్ అవుతోంది. మీరు చూసేయండి.. పూర్తి వివరాల కోసం క్లిక్​ చేయండి.