కరెంటుషాక్ ఇచ్చి భార్యపై హత్యయత్నం...
కట్టుకున్న వాడే కాలయముడిగా మారాడు. భార్యను కడతేర్చాలనుకున్న భర్త ఆమె నిద్రిస్తున్న సమయంలో కరెంట్ షాక్ పెట్టిన ఘటన కృష్ణాజిల్లా నందిగామ మండలం అంబారుపేట గ్రామంలో చోటు చేసుకుంది.
భార్య అరుణకు భర్త జానకిరామయ్య కడతేర్చాలనుకున్నాడు. నిద్రిస్తున్న సమయంలో ఈ దారుణానికి పాల్పడగా..ఆమె గట్టిగా కేకలు వేసింది. దీంతో చుట్టుపక్కల వారు వెంటనే రావడంతో అతను పరారయ్యాడు. స్థానికుల సహాయంతో బాధితురాలిని ఆసుపత్రికి తరలించారు. ఒక్కసారిగా ఆమెపై తన భర్త దారుణానికి ఒడిగట్టగా..ఊహించని ఈ సంఘటనకు భయభ్రాంతులకు లోనైంది. అనంతరం సంఘటనా స్థలానికి చేరుకున్న పోలీసులు వివరాలు సేకరించి కేసు నమోదు చేశారు. నిందితుడి కోసం గాలిస్తున్నారు.
