Pensions: జనవరి 1 నుంచి అమల్లోకి పెంచిన పెన్షన్.. ప్రారంభించనున్న సీఎం జగన్

వృద్ధులు, వితంతువులకు పెంచిన పింఛన్ జనవరి 1 నుంచి అమల్లోకి రానుంది. సీఎం జగన్ గుంటూరు జిల్లా పెదనందిపాడులో ఈ కార్యక్రమాన్ని ప్రారంభించనున్నారు. పింఛన్ రూ.2,250 నుంచి రూ.2,500లకు పెంచుతూ రాష్ట్ర ప్రభుత్వం నిర్ణయం తీసుకున్న సంగతి తెలిసిందే.

వైఎస్సార్ పింఛను కానుక పథకంలో భాగంగా.. వృద్ధులకు, వితంతువులకు ఇస్తున్న పింఛన్ రూ.2,250 నుంచి రూ.2,500 లకు పెంచుతూ రాష్ట్ర ప్రభుత్వం నిర్ణయం తీసుకున్న సంగతి తెలిసిందే. ఈ పెంచిన పింఛన్.. జనవరి 1 నుంచి అమల్లోకి రానుంది.

ముఖ్యమంత్రి జగన్ గుంటూరు జిల్లా పెదనందిపాడులో ఈ కార్యక్రమాన్ని ప్రారంభించనున్నారు. అనంతరం పెదనందిపాడు ఆర్స్ట్​ అండ్ సైన్స్ కళాశాల ఆవరణలో నిర్వహించనున్న బహిరంగసభలో సీఎం పాల్గొంటారు.

ఈ మేరకు జిల్లా జాయింట్ కలెక్టర్ దినేశ్ కుమార్, బాపట్ల డీఎస్పీ శ్రీనివాసరావు ఇవాళ సభా స్థలాన్ని పరిశీలించారు. హెలిప్యాడ్​తో పాటు సీఎం పర్యటనకు సంబంధించిన ఏర్పాట్లను త్వరగా పూర్తి చేయాలని కిందస్థాయి సిబ్బందికి ఆదేశాలిచ్చారు.

ఇదీ చదవండి :
CM Jagan Review On Omicron Variant: ఎలాంటి పరిస్థితులైనా.. ఎదుర్కొనేందుకు సిద్ధంగా ఉండాలి: సీఎం జగన్