శాంతిస్తున్న కృష్ణమ్మ.. పులిచింతలలో తగ్గిన వరద

కృష్ణమ్మ శాంతిస్తోంది. ఎగువ ప్రాంతాల్లో వరద తగ్గటంతో అన్ని రిజర్వాయర్లకు నీటి ఉద్ధృతి తగ్గుతోంది. ప్రస్తుతం పులిచింతల జలాశయంలో ప్రస్తుతం 168.56 అడుగుల నీటిమట్టం ఉంది.

గత కొన్ని రోజులుగా ఉద్ధృతంగా ప్రవహిస్తున్న కృష్ణమ్మ శాంతిస్తోంది. గుంటూరు జిల్లాలోని పులిచింతల వద్ద వరద తగ్గుముఖం పట్టింది. జలాశయంలో ఇన్​ ఫ్లో 2 లక్షల 99 వేల క్యూసెక్కులు ఉండగా.. ఔట్‌ఫ్లో 2 లక్షల 9 వేల క్యూసెక్కులుగా ఉంది. పూర్తిస్థాయి నీటి నిల్వ 45.77 టీఎంసీలు కాగా.. ప్రస్తుతం 36.36 టీఎంసీలుగా ఉంది. బ్యాలెన్సింగ్ రిజర్వాయర్​లో ప్రస్తుతం 168.56 అడుగుల నీటిమట్టం ఉంది. జలాశయం పూర్తి నీటిమట్టం 175 అడుగులు.