జగన్ శవ రాజకీయాలు చేస్తున్నారు: వర్ల రామయ్య

కోడెల మృతిపై సీఎం జగన్ శవ రాజకీయాలు చేస్తున్నారని తెదేపా సీనియర్ నేత వర్ల రామయ్య ఆరోపించారు. అసెంబ్లీకి సంబంధించిన ఫర్నిచర్ కోసం గొప్ప మనిషిని చంపేశారని ఆగ్రహం వ్యక్తం చేశారు.

మాజీ స్పీకర్ కోడెల శివప్రసాదరావు మృతిపై ఒకరి తరువాత మరొకరితో... సీఎం జగన్ శవ రాజకీయాలు చేస్తున్నారని తెదేపా సీనియర్ నేత వర్ల రామయ్య ఆరోపించారు. అసెంబ్లీకి సంబంధించిన లక్ష, రెండు లక్షల ఫర్నిచర్ కోసం... మనిషిని చంపేశారని ఆగ్రహం వ్యక్తం చేశారు. రూ.43 వేల కోట్లు కొట్టేసిన ముఖ్యమంత్రి బాగానే ఉన్నారన్న వర్ల... కోడెలపై 11 ట్వీట్లు విజయసాయి పెట్టారని... ప్రభుత్వం ఆత్మ పరిశీలన చేసుకోవాల్సిన అవసరం ఉందని హితవు పలికారు. పులిలాంటి మనిషిని చంపేశారని ఆవేదన వ్యక్తం చేశారు. అంత్యక్రియలకు తీసుకొస్తుంటే... 144 సెక్షన్ ఎలా పెడతారని వర్ల రామయ్య ప్రశ్నించారు. నరసరావుపేట పట్టణంలో 144 సెక్షన్ ఉందని... వైకాపా మనుషులు అడ్డు పడితే ఊరుకునేది లేదని హెచ్చరించారు.

ఇదీ చదవండీ... సచివాలయ ఉద్యోగాలకు జిల్లా, ప్రాంతీయ స్థాయి కమిటీలు