ద్విచక్రవాహనాల చోరీకి పాల్పడుతున్న దొంగల ముఠాను గుంటూరు జిల్లా రేపల్లె మండలం చోడాయపాలెం పోలీసులు అరెస్ట్ చేశారు. ఈనెల 21న చోడాయపాలెం గ్రామంలో బైక్ చోరీ అయ్యిందని ఓ బాధితుడు పోలీసులకు ఫిర్యాదు చేయగా.. పోలీసులు కేసు నమోదు చేసుకున్నారు. పెనుమూడి గ్రామం వద్ద అనుమానాస్పదంగా వెళ్తున్న నలుగురు నిందితులను పోలీసులు అదుపులోకి తీసుకున్నారు. వారి వద్ద నుంచి 13 ద్విచక్ర వాహనాలను స్వాధీనం చేసుకున్నట్లు ఎస్సై కొండారెడ్డి తెలిపారు. చోరీకి గురైన వాహనాలు రేపల్లె, చీరాల, బాపట్ల పరిసర ప్రాంతాలలోనివని పోలీసులు వెల్లడించారు.
ఇదీ చదవండి: వీడిన మర్టర్ మిస్టరీ.. మెుదటి భార్య బంధువులే హంతకులు
