గుంటూరు జిల్లా మేడికొండూరు మండలం యలవర్తిపాడులో రెండు వర్గాల మధ్య ఘర్షణ చోటు చేసుకుంది. యలవర్తిపాడు ఎస్సీ కాలనీలో దినకర్మ జరుగుతుండగా ఓ వర్గం వారు మద్యం తాగ్గుతున్నారు. ఇక్కడ మందు తాగవద్దని మరో వర్గం వారు అభ్యంతరం వ్యక్తం చేశారు. ఈ క్రమంలో మాటా మాటా పెరిగింది. ఒకరిపై ఒకరు కర్రలతో దాడి చేసుకున్నారు.
పోలీసులకు సమాచారం..
సమాచారం అందుకున్న మేడికొండూరు పోలీసులు ఘటనా స్థలానికి చేరుకున్నారు. పోలీసులను గమనించిన రెండు వర్గాలు అక్కడ నుంచి పరారయ్యాయి. దాడిలో ఇరు వర్గాలకు చెందిన ఆరుగురికి స్వల్ప గాయాలయ్యాయి.
సీఐ విచారణ..
సిబ్బందితో ఘటనా స్థలానికి చేరుకున్న సీఐ ఆనందరావు విచారణ చేపట్టారు. గ్రామంలో అవాంఛనీయ సంఘటనలు చోటు చేసుకోకుండా పొలీసులు పహారా కాస్తున్నారు.
