తెదేపా అభ్యర్థి ఇంట్లోని మద్యం.. ఆ దుకాణంలోనిదే

గుంటూరు జిల్లా తెనాలిలో శుక్రవారం తెల్లవారుజామున తెలుగుదేశం పార్టీ మున్సిపల్ కౌన్సిల్ అభ్యర్థి ఇంట్లో దొంగచాటుగా పెట్టిన మద్యం సీసాలు ఏ దుకాణాలోనివో పోలీసులు గుర్తించారు. స్థానిక బుర్రిపాలెం రోడ్డులోని ప్రభుత్వ మద్యం దుకాణంలోనివని నిర్ధారించారు.

గుంటూరు జిల్లా తెనాలిలో శుక్రవారం తెల్లవారుజాము తెలుగుదేశం పార్టీ మున్సిపల్ కౌన్సిల్ అభ్యర్థి ఇంట్లో దొంగచాటుగా పెట్టిన మద్యం సీసాలు స్థానిక బుర్రిపాలెం రోడ్డులోని ప్రభుత్వ మద్యం దుకాణానికి చెందినవని తెనాలి పోలీసులు గుర్తించారు. సాంకేతిక అంశాల ద్వారా ఈ విషయాన్ని అధికారులు నిర్ధారించారు. ఈ మేరకు దుకాణం సూపర్‌వైజర్‌ మాధవరావును అదుపులోకి తీసుకున్నట్లు ఎక్సైజ్ సీఐ వెంకటేశ్వరరావు చెప్పారు. నిబంధనలకు విరుద్ధంగా మద్యం సీసాల కేసును ఎవరికి విక్రయించారనేదానిపై విచారణ చేస్తున్నట్లు తెలిపారు.

ఇదీ చదవండి : 24 జడ్పీటీసీలు, 563 ఎంపీటీసీలు ఏకగ్రీవం!