తితిదే ఆస్తుల వేలం నిలిపివేయాలంటూ హైకోర్టులో వ్యాజ్యం

తితిదే నిర్ణయించిన దేవస్థానం ఆస్తుల వేలం ప్రక్రియపై సర్వత్రా వ్యతిరేకత వ్యక్తమవుతోంది. ఈ ప్రక్రియను నిలిపివేయాలని అనంతపురంకు చెందిన భాజపా నేత అమర్​నాథ్ రాష్ట్ర ఉన్నత న్యాయస్థానంలో పిల్ దాఖలు చేశారు.

తితిదే ఆస్తుల వేలం ప్రక్రియను నిలిపివేయాలని కోరుతూ అనంతపురంకు చెందిన భాజపా నేత జంగటి అమర్​నాథ్ హై కోర్టులో ప్రజా ప్రయోజన వ్యాజ్యం దాఖలు చేశారు. 2016 లో నిర్ణయించిన 50 ఆస్తుల వేలాన్ని మాత్రమే ప్రభుత్వం నిలిపివేసిందని, మరో 23 ఆస్తులు వేలం వేసేందుకు తితిదే సన్నాహాలు చేస్తోందని పిటీషనర్ తెలిపారు. భవిష్యత్​లోనూ ఆస్తులు వేలం వేయకుండా చర్యలు తీసుకోవాలని, ఆస్తులను రక్షణకు జ్యుడీషియల్​ కమిటీని ఏర్పాటు చేయాలని కోరారు.

ఇదీచదవండి.