భార్య కాపురానికి రాలేదనే మనస్థాపంతో ఓ వ్యక్తి ఆత్మహత్యకు యత్నించిన ఘటన గుంటూరు తాడికొండ గ్రామంలో జరిగింది. తాడికొండకు చెందిన పేర్ల పూర్ణచంద్రరావు స్థానికంగా వస్త్ర దుకాణం నడువుతుంటారు. 10 ఏళ్ల కిందట గుంటూరు నగరానికి చెందిన యువతితో వివాహం జరిగింది. ఇటీవల ఒక విషయంలో ఇద్దరి మధ్య మనస్పర్థలు వచ్చాయి. దీంతో వివాహిత తన పుట్టింటికి వెళ్లిపోయారు.
కాపురానికి రమ్మని పూర్ణచంద్రరావు పిలిచినా ఆమె నిరాకరించిందని బంధువులు తెలిపారు. దీంతో మనస్థాపం చెందిన పూర్ణచంద్రరావు గురువారం ఉదయం ఇంట్లో ఎవరూ లేని సమయంలో పెట్రోల్ పోసుకుని నిప్పు పెట్టుకున్నారు. ఇది గమనించిన కుటుంబ సభ్యులు...మంటలు ఆర్పి ఆయన్ను గుంటూరు ప్రభుత్వ ఆసుపత్రికి తరలించారు. అతని పరిస్థితి విషమంగా ఉందని పోలీసులు తెలిపారు.
ఇదీ చదవండి :
శేషాచల అడవుల్లో టాస్క్ఫోర్స్ కూంబింగ్.. 49 ఎర్రచందనం దుంగలు స్వాధీనం
