జగన్ ప్రభుత్వం చాక్లెటిచ్చి.. నిలువునా దోపిడీ చేస్తోంది: కన్నా లక్ష్మీనారాయణ

BJP senior leader Kanna fire on CM Jagan: ఎస్సీ కార్పొరేషన్ నిధుల మళ్లింపుల విషయంలో బీజేపీ సీనియర్ నేత కన్నా లక్ష్మీనారాయణ ముఖ్యమంత్రి జగన్ మోహన్ రెడ్డిపై తీవ్రంగా ఆగ్రహించారు. ఎస్సీ కార్పొరేషన్ నిధులను వేరే పథకాలకు మళ్లించకూడదని గతంలో చట్టం ఉన్నప్పటికీ.. జగన్ మోహన్ రెడ్డి ప్రభుత్వం ఆ చట్టంలోని నిబంధనలను ఉల్లంఘించిందని ఆరోపించారు. ఎస్సీ కార్పోరేషన్ కింద అమలు జరగాల్సిన 26 పథకాలను మళ్లీ అమలు చేయాలని డిమాండ్ చేశారు.

BJP leader Kanna fire on CM Jagan: ఎస్సీ కార్పొరేషన్ నిధులను వేరే పథకాలకు మళ్లించకూడదని గతంలో చట్టం ఉన్నప్పటికీ.. జగన్ మోహన్ రెడ్డి ప్రభుత్వం ఆ చట్టంలోని నిబంధనలను ఉల్లంఘించిందని బీజేపీ సీనియర్ నేత కన్నా లక్ష్మీనారాయణ ఆగ్రహించారు. ఎస్సీ కార్పొరేషన్ కింద అమలు జరగాల్సిన 26 పథకాలను రద్దు చేశారని, రద్దు చేసిన ఆ 26 పథకాలను మళ్లీ అమలు చేయాలంటూ.. గుంటూరు కలెక్టరేట్ ఎదుట బీజేపీ ఎస్సీ మోర్చా ఆధ్వర్యంలో 48 గంటల నిరసన కార్యక్రమాన్ని చేపట్టారు.

ఈ కార్యక్రమానికి అతిథులుగా మహారాష్ట్రకు చెందిన శంభునాధ్ తుండియా, రాష్ట్ర సీనియర్ నేత కన్నా లక్ష్మీనారాయణ హాజరయ్యారు. జగన్ ప్రభుత్వం వచ్చాక వింత పోకడ కనిపిస్తుందని... చాక్లెట్ ఇచ్చి నిలువునా దోపిడీ చేస్తున్నారని కన్నా ఎద్దేవా చేశారు. జగన్​ది మోసపూరిత వ్యాపార దృక్పథమని... ప్రజల సొమ్మును ప్రజలకే పంచిపెడుతూ సంక్షేమం అంటూ ప్రచారం చేసుకుంటున్నారన్నారు. పోలీసు వ్యవస్థను ఇంతలా దిగజార్చిన ఘనత జగన్‌దేనని కన్నా విమర్శించారు.

ఎవరు కూడా ఈ ఎస్సీ సబ్‌ప్లాన్ నిధులను డైవర్ట్ చేయడానికి వీల్లేదు. కానీ ఇవాళ జగన్ మోహన్ రెడ్డి..నవరత్నాల గురించి ఎన్నికలప్పుడు చెప్పాను..ఆ నవరత్నాలకు నిధులు ఇస్తున్నాను కాబట్టి తాను అమలుచేస్తున్నానని చెప్పాడు. ఆ నవరత్నాలకు ఎస్సీ సబ్‌ప్లాన్ నిధులిచ్చే అధికారం జగన్ మోహన్ రెడ్డికి ఎవరిచ్చారు.-కన్నా లక్ష్మీనారాయణ, మాజీమంత్రి

ఇవీ చదవండి