మాకు రక్షణ కల్పించండి: ట్రాన్స్ జెండర్లు

తమ ప్రాణాలకు రక్షణ కల్పించాలని... గుంటూరు ఎస్పీ కార్యాలయంలో జరిగిన స్పందన కార్యక్రమంలో ట్రాన్స్ జెండర్లు అర్బన్ ఎస్పీకి వినతి పత్రం అందజేశారు.

నిత్యం భిక్షాటన చేసుకుంటూ జీవనం కొనసాగిస్తున్న తమపై బాపట్ల శ్రీను అనే రౌడీ షీటర్ బెదిరింపులకు పాల్పడుతున్నాడని... తమ ప్రాణాలకు రక్షణ కరువైందని ట్రాన్స్ జెండర్లు ఆవేదన వ్యక్తం చేశారు. గుంటూరు ఓబులునాయుడు పాలెం డంపింగ్ యార్డ్ వద్ద ఐదేళ్లుగా నివాసం ఉంటున్న తమ పట్ల ఆ రౌడీ షీటర్ అసభ్యంగా మాట్లాడుతూ.. ఇబ్బందులకు గురి చేస్తున్నారని ఆరోపించారు. గుంటూరు ఎస్పీ కార్యాలయంలో జరిగిన స్పందన కార్యక్రమంలో వారు అర్బన్ ఎస్పీకి వినతి పత్రం అందజేశారు. ఇల్లు ఖాళీ చేయాలని, అడిగినప్పుడల్లా డబ్బులు ఇవ్వాలని బెదిరిస్తూ.. అర్ధరాత్రి ఇళ్లపై దాడులు చేస్తున్నారని తెలియజేశారు. ఇటీవల ఒక ట్రాన్స్‌జండర్‌పై దాడి చేశారని... తమకు రక్షణ కల్పించాలని వారు కోరుతున్నారు.

ఇవీ చదవండి..గుప్త నిధులపై ఆశలు... తీస్తున్నాయి ప్రాణాలు