లాక్​డౌన్​ ప్రభావం... అశ్వాలకు అందని పోషకాహారం

లాక్​డౌన్ పేదలతో పాటు మూగజీవాలపైనా తీవ్ర ప్రభావం చూపుతుంది. శుభకార్యాలన్నీ ఆగిపోవటంతో గుర్రాలను మేపలేకపోతున్నారు వాటి యజమానులు. పచ్చగడ్డి లభించక శనగపొట్టుతోనే వాటి కడుపునింపుతున్నారు.

లాక్​డౌన్ ప్రభావం గుర్రాలపైనా పడింది. కరోనా దృష్ట్యా శుభకార్యాలు, ఊరేగింపులు అన్నీ ఆగిపోవటంతో గుర్రాలను పెంచుకునే వారికి ఉపాధి లభించటం లేదు. గుంటూరులో గుర్రాలను ఊరేగింపులకు అద్దెకిచ్చేవారు. ఇపుడు గిరాకీ లేక... వాటిని మేపలేక ఇబ్బందులు పడుతున్నారు. లాక్​డౌన్ కారణంగా గ్రామీణ ప్రాంతాల నుంచి పచ్చగడ్డి తీసుకురాలేక కేవలం శనగపొట్టునే వాటికి దాణాగా అందిస్తున్నారు. దీంతో గుర్రాలు బక్కచిక్కిపోయి నీరసంగా కనిపిస్తున్నాయి. లాక్​డౌన్ ముగిశాక కూడా శుభకార్యాలు ఘనంగా నిర్వహిస్తారన్న ఆశ లేకపోవటంతో గుర్రాల యజమానుల భవిష్యత్తు ప్రశ్నార్థకంగా మారింది.

ఇదీ చదవండి