సంగం డెయిరీ వ్యవహారంలో అక్రమాలు జరిగాయంటూ అనిశా నమోదు చేసిన కేసులో నాలుగు, ఐదో నిందితులుగా ఉన్న కె.గోపినాథ్, పి.సాంబశివరావుకు హైకోర్టు ముందస్తు బెయిలు మంజూరు చేసింది. హైకోర్టు న్యాయమూర్తి జస్టిస్ కె.లలిత ఈ మేరకు ఆదేశాలిచ్చారు. అనిశా నమోదు చేసిన కేసులో ముందస్తు బెయిలు మంజూరు చేయాలని కోరుతూ సంగం పాల ఉత్పత్తిదారుల కంపెనీ లిమిటెడ్ అప్పటి ఎండీ కె.గోపినాథ్, ముఖ్య ఆర్థికాధికారి పి.సాంబశివరావు ఇటీవల హైకోర్టులో బెయిలు కోసం పిటిషన్ వేశారు. ఆ వ్యాజ్యంపై విచారణ జరిపిన న్యాయమూర్తి బెయిలు మంజూరు చేస్తూ శుక్రవారం ఉత్తర్వులిచ్చారు. పిటిషనర్ల తరఫున సీనియర్ న్యాయవాది బి.ఆదినారాయణరావు వాదనలు వినిపించారు.
ఇదీ చదవండి:
NGT: పాలమూరు- రంగారెడ్డి ప్రాజెక్టు పర్యావరణ ఉల్లంఘనలపై నిపుణుల కమిటీ
