వైకాపాలో ఆధిపత్య పోరు కారణంగా ఓ వ్యక్తి మృతి చెందిన ఘటన గుంటూరు జిల్లాలో కలకలం రేపింది. గుంటూరు జిల్లా రాజుపాలెం మండలం బలిజేపల్లికి చెందిన గుడారి సుబ్బయ్యపై 4 రోజులక్రితం ప్రత్యర్థులు దాడిచేశారు. తీవ్రంగా గాయపడిన అతన్ని గుంటూరు ప్రభుత్వాసుపత్రికి తరలించగా.. బుధవారం రాత్రి మరణించాడు. సుబ్బారావు మృతదేహాన్ని అంత్యక్రియల కోసం నేడు గ్రామానికి తీసుకొచ్చారు.
అయితే ఈ క్రమంలో మరోసారి దాడులు జరిగే అవకాశం ఉందని భావించిన పోలీసులు గ్రామంలో పికెటింగ్ ఏర్పాటుచేశారు. భారీగా పోలీసు బలగాలు మోహరించాయి. ముందు జాగ్రత్తగా కొంతమంది స్థానికులను అదుపులోకి తీసుకున్నారు. దీంతో గ్రామంలో హై టెన్షన్ వాతావరణం నెలకొంది. ఇదిలా ఉంటే ప్రత్యర్థి వర్గంలోని 40 కుటుంబాలు ఊరు విడిచి వెళ్లినట్లు సమాచారం.
ఇవీ చదవండి... : చీరాలలో రెడ్జోన్ను ప్రకటించిన అధికారులు
