FIRE IN TRAIN : తప్పిన ప్రమాదం... ప్రయాణికులు సురక్షితం

శ్రద్ధసేతు ఎక్స్​ప్రెస్ రైలుకు త్రుటిలో ప్రమాదం తప్పింది. గుంటూరు జిల్లా నిడుబ్రోలు రైల్వేస్టేషన్ వద్ద రైలు చక్రాల వద్ద మంటలు చెలరేగాయి. సిబ్బంది అప్రమత్తమై మంటలను అదుపులోకి తెచ్చారు.

రామేశ్వరం నుంచి ఫైజాబాద్ వెళ్తున్న శ్రద్ధసేతు ఎక్స్​ప్రెస్ ప్రత్యేక రైలుకు ప్రమాదం తప్పింది. డీ-1 బోగి చక్రాలకు బ్రేకులు పట్టేయటంతో మంటలు చెలరేగాయి. గుంటూరు జిల్లా నిడుబ్రోలు స్టేషన్ సమీపంలో ఈ ఘటన జరిగింది. గుర్తించిన రైల్వే సిబ్బంది వెంటనే అప్రమత్తమై సకాలంలో మంటలను అదుపులోకి తెచ్చారు. ఈ ఘటనతో నిడుబ్రోలు రైల్వేస్టేషన్​లో 30 నిమిషాలు రైలు ఆగిపోయింది. బోగి చక్రాల్ని క్షుణ్ణంగా పరిశీలించిన తర్వాత రైలు బయలుదేరింది. సాయంత్రం 7గంటల సమయంలో ఈ ఘటన జరిగింది.

ఇదీచదవండి.