గుంటూరు జిల్లా తెనాలికి చెందిన నన్నపనేని విష్ణు మోహన్ రావు (65), అతని కుమారుడు కృష్ణమోహన్ (34) కరోనా సోకి మరణించారు. ఇరవై రోజుల క్రితం కుటుంబసభ్యులందరూ కొవిడ్ బారిన పడగా.. తండ్రీ, కుమారుడిని విజయవాడలోని ఓ ప్రైవేటు ఆస్పత్రికి తరలించారు. అక్కడ చికిత్స పొందుతూ పన్నెండు రోజుల క్రితం కృష్ణ మోహన్ ప్రాణాలు విడిచారు. కొవిడ్ నుంచి కోలుకుంటున్నారని భావిస్తున్న తరుణంలో విష్ణు మోహన్ రావు నిన్న మృతి చెందారు.
విష్ణుమోహన్ రావు.. ఉద్యోగ విరమణ అనంతరం కేఎల్యూలో సహాయ ఆచార్యులుగా సేవలందిస్తున్నారు. కృష్ణమోహన్ సాఫ్ట్వేర్ ఇంజనీర్గా పనిచేసేవాడు. విష్ణు మోహన్రావు సతీమణి, అత్తా, కోడలు, పది నెలల బాబు కూడా కరోనా బారిన పడి.. కోలుకున్నారు. మృతుని అంత్యక్రియలు తెనాలిలో పూర్తి చేశారు. మరణించిన వ్యక్తి తెదేపా నాయకురాలు నన్నపనేని రాజకుమారి భర్త ముకుందరావు సోదరుడు. కొవిడ్.. తమ కుటుంబంలో విషాదం నింపిందని రాజకుమారి ఆవేదన వ్యక్తం చేశారు.
ఇదీ చదవండి:
