సీఆర్డీఏ బిల్లు రద్దు అంశం సెలక్ట్ కమిటీ పరిశీలనలో ఉన్నప్పుడు సభలో తీర్మానం ఎలా పెడతారని సీపీఐ రాష్ట్ర కార్యదర్శి రామకృష్ణ ప్రభుత్వాన్ని ప్రశ్నించారు. గుంటూరు జిల్లా మంగళగిరి పోలీస్ స్టేషన్లో ఉన్న ముప్పాళ్ల నాగేశ్వరరావు, ఇతర సీపీఐ నేతలను రామకృష్ణ పరామర్శించారు. అగ్రిగోల్డ్ బాధితులను ప్రభుత్వం వెంటనే ఆదుకోవాలని డిమాండ్ చేశారు. రాజధాని అమరావతి విషయంలో ప్రభుత్వం మరోసారి తప్పులు చేస్తోందని ఆక్షేపించారు. శాసనసమండలి ఛైర్మన్ ఈ బిల్లును మళ్లీ తిప్పి పంపాలని రామకృష్ణ కోరారు.
'అగ్రిగోల్డ్ బాధితుల సమస్యలు తీర్చాలని సీఎంకు ప్రశాంతంగా వినతిపత్రం ఇచ్చే పరిస్థితులు కూడా రాష్ట్రంలో లేవు. గత బడ్జెట్లో కేటాయించిన రూ. 1100 కోట్లు ఇచ్చుంటే చాలావరకు సమస్యలు తీరేవి.. అవీ ఇవ్వలేదు. ఈ బడ్జెట్లోనూ బాధితుల కోసం సరైన కేటాయింపులు లేవు. సీఆర్డీఏ అంశం సెలక్ట్ కమిటీలో ఉన్నప్పుడు అసెంబ్లీలో తీర్మానం ఎలా చేస్తారు. శాసనమండలి ఛైర్మన్ మరలా దాన్ని తిప్పి పంపాలని మేం కోరుతున్నాం.'-- సీపీఐ రామకృష్ణ
ఇవీ చదవండి...
