ఓ కరోనా... మా దరికి రాకుమా!

కరోనా మహమ్మారిపై ప్రజలకు అవగాహన కల్పించేందుకు గాయకులే.. కాదు కొందరు అధికారులు సైతం తమలోని ప్రతిభకు పదును పెడుతున్నారు. కరోనా వలన కలిగే అనర్థాలను చెబుతున్నారు. జాగ్రత్తగా ఉండాలని సూచిస్తున్నారు.

గుంటూరులోని రవాణాశాఖ ఉపకమిషనర్ కార్యాలయంలో ఎంవీఐ( మోటర్ వెహికల్ ఇన్​స్పెక్టర్​)గా పనిచేస్తున్న వి.నాగలక్ష్మి... కరోనా కట్టడిపై పాట పాడి సామాజిక మాధ్యమాల్లో పెట్టారు. ఈ కరోనాను అందరం ఆపుదామంటూ... ఆమె పాడిన పాట.. ప్రజలు ఎలా ఉండాలో తెలుపుతుంది. ఓ అధికారిగా చేసే పనులతో పాటు... బాధ్యత గల పౌరురాలిగా ఈ పాట పాడినట్లు నాగలక్ష్మి తెలిపారు. కరోనా మా దరికి రాకుమా అంటూ ప్రారంభించి... బాధ్యత గల పౌరులంతా సామాజిక దూరం పాటించాలని సూచించారు.

ఇదీ చదవండి: కరోనా ఎలా ఉంటుందో తెలుసా?.. ఈ చిత్రాల్లో చూడండి