వర్షంలోనూ... వరద బాధిత ప్రాంతాల్లో చంద్రబాబు పర్యటన
జోరు వానలో తడుస్తూనే తెదేపా జాతీయ అధ్యక్షుడు చంద్రబాబు గుంటూరు జిల్లాలో పర్యటిస్తున్నారు. వరద బాధితులను కలుస్తున్నారు. అధైర్యపడవద్దని అండగా నిలుస్తున్నారు. వేమూరు పరిధిలో పర్యటిస్తుండగా.. వర్షం కురిసినా.. ఆయన తన పర్యటన ఆపలేదు. బాధితులను ఓదారుస్తూ ముందుకు కదిలారు. వరద బాధితులు సైతం.. తమ ఇబ్బందులను చంద్రబాబుకు చెప్పాలని ఆరాటపడ్డారు. ఈ వరదలు.. ప్రకృతి తెచ్చిన ముప్పు కాదన్న చంద్రబాబు.. ప్రభుత్వమే తెచ్చిందని ఆగ్రహించారు. వరద వచ్చి వారం దాటినా.. ప్రభుత్వం ఎలాంటి సహాయక చర్యలు చేపట్టలేదని విమర్శించారు. రిజర్వాయర్లు అన్ని ఖాళీగా ఉన్నా నిల్వ చేసుకునే ఎందుకు చేయలేదన్నారు. ఓ పద్దతి ప్రకారం నీరు వదలితే ఇబ్బంది వచ్చేది కాదని అభిప్రాయపడ్డారు. వరద ముప్పు పూర్తిగా తొలగేవరకూ.. తాను బాధితులకు అండగా ఉంటానని భరోసా ఇచ్చారు.
