భారత్-చైనా సరిహద్దులో వీర మరణం పొందిన జవాన్లుకు భాజపా యువ మోర్ఛ నాయకులు ఘన ఘన నివాళులు అర్పించారు. గుంటూరు జిల్లా లాడ్జి సెంటర్ అంబేడ్కర్ కూడలి వద్ద భాజపా యువ మోర్ఛ ఆధ్వర్యంలో చైనాకు వ్యతిరేకంగా నినాదాలు చేసి నిరసనలు తెలిపారు. చైనా వస్తువులను బహిష్కరించాలని డిమాండ్ చేశారు. చైనా కవ్వింపు చర్యలను మానుకోవాలని భాజపా యువ మోర్ఛ నాయకుడు శ్రీనివాసరావు తెలిపారు.
చైనా తన తీరును మార్చుకోకపోతే మరోసారి సర్జికల్ స్ట్రైక్కు కేంద్ర ప్రభుత్వం సిద్ధంగా ఉందన్నారు. ఇకనైనా చైనా కవ్వింపు చర్యలు మానుకోవాలని, లేని పక్షంలో ప్రపంచపటంలో చైనా కనిపించకుండా పోవడం ఖాయమన్నారు.
ఇవీ చూడండి:చైనా-భారత్ వివాదం: ఈటీవీ భారత్ కథనాలు
