ఆత్మహత్యకు ముందు.. కోడెల ఇంట్లో అసలేం జరిగింది?

కోడెల శివప్రసాదరావు.. ఆత్మహత్యకు ముందు ఏం చేశారు? గదిలోకి వెళ్లి ఏం చేశారు? ఆయన చనిపోయిన విషయాన్ని ఎవరు గుర్తించారు?

శాసనసభ మాజీ స్పీకర్ కోడెల శివప్రసాదరావు.. ఈ రోజు ఉదయం 10.30 గంటల సమయంలో బలవన్మరణానికి పాల్పడ్డారు. సన్నిహుతులు అందించిన సమాచారం ప్రకారం..

• కోడెల ఉదయం 10 గంటలకు భార్యతో కలిసి అల్పాహారం చేశారు.
• 10.10 గంటలకు తన నివాసంలోని మొదటి ఫ్లోర్ లో ఉన్న పడకగదికి వెళ్లారు.
• పడకగదిలోకి వెళ్లగానే తలుపు గడియపెట్టారు.
• గది గడియపెట్టిన విషయాన్ని గుర్తించిన భార్య.. కోడెలను తలుపు తీయాల్సిందిగా కోరారు.
• ఎంతకూ తలుపు తెరవకపోవడంపై.. అనుమానంతో వ్యక్తిగత గన్ మన్ ను పిలిచారు.
• వెనక డోర్ బద్దలు కొట్టి గన్ మన్ భార్య లోనికి వెళ్లారు.
• అప్పటికే ఫ్యాన్ కు కోడెల ఉరి వేసుకుని ఉన్నారు.
• 10.40 గంటలకు కారులో కోడెలను ఆసుపత్రికి తరలించారు.
• 10.50 గంటలకు బసవతారకం ఆసుపత్రికి తీసుకువెళ్లగా.. అప్పటికే చనిపోయినట్టు వైద్యులు నిర్థరించారు.
• 11 గంటల తర్వాత ఆసుపత్రి సిబ్బంది.. పోలీసులకు సమాచారం అందించారు.
• విషయం తెలుసుకున్న బంజారాహిల్స్ సీఐ కళింగరావు.. ఎస్సై రాం రెడ్డిని ఆసుపత్రికి పంపించారు.
• కోడెల ఆత్మహత్య చేసుకున్న గదిని పోలీసులు స్వాధీనం చేసుకున్నారు.
• గదిలో ఎలాంటి సూసైడ్ నోట్ దొరకలేదు.
• డాగ్ స్క్వాడ్, క్లూస్ టీమ్, టాస్క్ ఫోర్స్ తో పోలీసులు దర్యాప్తు చేస్తున్నారు.