గుంటూరు జిల్లా పెదనందిపాడుకి చెందిన శివశంకర్ గుప్తా, శేషగిరిరావు, శ్రీనివాస గుప్తా ముగ్గురు అన్నదమ్ములు. వీరు గత కొన్నేళ్లుగా బియ్యం దుకాణం నడుపుకుంటున్నారు. వీరి మధ్య ఆస్తి కోసం ఎప్పటి నుంచే వివాదం జరుగుతోంది.
శనివారం రాత్రి శివశంకర్ గుప్తా, అతని కుమారుడు నారాయణ, మరో సోదరుడు శేషగిరిరావులు కలసి తమ్ముడు శ్రీనివాస గుప్తా, అతని కొడుకు చక్రవర్తిలపై బ్లేడులతో దాడి చేశారు. బ్లేడుతో పొట్టపై దాడి చేయటంతో శ్రీనివాస గుప్తా , అతని కుమారుడు చక్రవర్తిలకు తీవ్ర గాయాలయాయ్యి. క్షతగాత్రులను చికిత్స నిమిత్తం గుంటూరు ఆసుపత్రికి తరలించారు. ఎస్సై జయకుమార్ సంఘటన స్థలాన్ని పరిశీలించారు. దాడికి పాల్పడిన వారిని అదుపులోకి తీసుకున్నారు. వారిపై హత్యాయత్నం కేసు నమోదు చేసి దర్యాప్తు చేస్తున్నారు.
ఇదీ చూడండి
