గుంటూరు జిల్లాలో రైతులు పండించిన జొన్న కొనుగోలుకు అధికారులు చర్యలు చేపట్టారు. క్వింటాలుకు రూ. 1,850 మద్దతు ధరను ప్రభుత్వం ఖరారు చేసినట్లు జిల్లా వ్యవసాయ సంయుక్త సంచాలకులు విజయభారతి తెలిపారు. మార్క్ఫెడ్ ద్వారా కొనుగోలుకు చర్యలు చేపట్టామని.. రైతులు తప్పనిసరిగా ఈ క్రాప్లో నమోదు చేసుకుని ఉండాలని ఆమె స్పష్టం చేశారు. జొన్నలో 14లోపే తేమశాతం ఉండేలా ఆరబెట్టుకోవాలని.. మధ్యవర్తుల మాటలు నమ్ని మోసపోవద్దని రైతులకు సూచించారు.
'జొన్న పంట అమ్మాలనుకునేవారు.. సీఎం యాప్లో రిజిస్ట్రేషన్ చేసుకోవాలి. రిజిస్ట్రేషన్ సమయంలోనే పంట నూర్పిడి ఏ రోజు చేస్తారో నమోదు చేయాలి. అనంతరం ఏ రోజు జొన్నలు విక్రయించాలో రైతు చరవాణికి సందేశం వస్తుంది. అయితే రిజిస్ట్రేషన్ సమయంలో వినియోగించిన ఫోన్ నంబర్.. బ్యాంకు ఖాతాకు అనుసంధానమై ఉండాలి' అని సంచాలకులు విజయభారతి సూచించారు.
ఇదీ చదవండి:
