ఆర్మీ ఉద్యోగి అని వివాహం చేస్తే... నిలువునా ముంచేశాడు

ఆర్మీలో ఉద్యోగం చేస్తున్నాడు... మంచి వ్యక్తి అని నమ్మి కూతురుని ఇచ్చి వివాహం జరిపించారు. కానీ ఆ వ్యక్తి మరొక మహిళతో సంబంధం పెట్టుకున్నాడు. విషయం తెలుసుకున్న బాధిత కుటుంబ సభ్యులు గుంటూరు రూరల్ ఎస్పీ కార్యాలయంలో ఫిర్యాదు చేశారు.

గుంటూరు జిల్లా రేపల్లె మండలం కైతేపల్లి గ్రామానికి చెందిన షేక్ సర్వర్​తో సహనాజ్ అనే మహిళకు 2006 వివాహం జరిగింది. సర్వర్​కు ఆర్మీలో ఉద్యోగమని కట్నకానుకులు ఇచ్చి వివాహం ఘనంగా చేశారు. వివాహం జరిగి ఇద్దరు పిల్లలు ఉన్న సర్వర్.... 20018లో స్వగ్రామంలో మరొక మహిళను వివాహం చేసుకున్నాడని బాధితురాలు వాపోయింది. ఈ విషయమై రేపల్లె పోలీస్ స్టేషన్​లో ఫిర్యాదు చేసినా తమకు న్యాయం జరగలేదని బాధిత కుటుంబం ఆవేదన వ్యక్తం చేస్తోంది. తాను, తన పిల్లలకు న్యాయం చేయాలని కోరుతూ బాధితురాలు రూరల్ ఎస్పీకి ఫిర్యాదు చేశారు.

ఇదీ చూడండి: ప్రియుడితో కలిసి భర్తను అంతమెుందించిన భార్య..!